Faigh amach conas a d’aistrigh páirc eachtraíochta ilghníomhaíochta allamuigh ó thaifid thraidisiúnta peann agus páipéir go foirm dhigiteach shaindeartha chun a bpróiseas clárúcháin cuairteoirí a chuíchóiriú agus chun an tseirbhís a chuireann siad ar fáil dá gcustaiméirí a fheabhsú.
Maidir leis an gCuideachta
Cuireann Ionad Eachtraíochta na hUaimhe, atá lonnaithe i nGleann na Bóinne, Co. na Mí, raon gníomhaíochtaí lasmuigh ar fáil atá dírithe ar leanaí agus daoine fásta a choinneáil gníomhach agus rannpháirteach. Bíonn siad ina n-óstach ar thurais scoile, imeachtaí corparáideacha, agus cruinnithe sóisialta cosúil le cóisirí lá breithe, mar aon le himeachtaí bliantúla ar nós na gComórtas Trastíre Náisiúnta. Áirítear ar a n-áis áiseanna laistigh cosúil le seomraí taisceadáin, cithfholcadáin, agus siopa caife.
Navan Adventure Centre
An Dúshlán
Ba é príomhaidhm a dtionscadal digiteach a bpróiseas clárúcháin cuairteoirí a shruthlíniú agus éifeachtúlachtaí a mhéadú ag seiceáil isteach. Bhí dúshlán suntasach roimh an gcuideachta mar gheall ar an modh traidisiúnta peann agus páipéir a d’úsáid siad chun sonraí cuairteoirí a logáil isteach san ionad.
Le comhaireamh suntasach bliantúil cuairteoirí, ba chúis le carnadh doiciméad mar gheall ar an riachtanas na taifid pháipéir seo a stóráil. Ní hamháin gur ghlac an próiseas seo alán spás ach chuir sé moill freisin ar a gcuairteoirí le linn dóibh seiceáil isteach toisc go raibh orthu na taifid seo a phróiseáil, a sheiceáil agus a chomhdú de láimh. Agus na neamhéifeachtúlachtaí sin á n-aithint, bhí suim ag an gcuideachta iniúchadh a dhéanamh ar chórais dhigiteach a chur i bhfeidhm le cur in ionad an mhodh atá bunaithe ar pháipéar chun sonraí cuairteoirí a logáil.
Cad a rinne siad?
Chomhoibrigh Ionad Eachtraíochta na hUaimhe le meantóir digiteach chun réitigh éagsúla dá bpróisis seiceála a fhiosrú. Tar éis dóibh an iliomad uirlisí digiteacha a bhreithniú, shocraigh siad ar fhoirm dhigiteach shaindeartha a dhéanfadh an próiseas a shimpliú dá gcustaiméirí agus don fhoireann a dhéanann seiceáil isteach.
Bhí an fhoirm dhigiteach shaincheaptha a d’fhorbair siad so-úsáidte dá bhfoireann agus do chuairteoirí araon, rud a cheadaigh bailiú agus stóráil sonraí tapa agus cruinn.
Conas a chabhraigh sé?
Chuir an tionscadal seo béim ar an bpoitéinseal a bhaineann le réitigh dhigiteacha shimplí chun a ngnó a fheabhsú agus tá a bpróiseas clárúcháin cuairteoirí simplithe, rud a chuir le heispéireas a gcustaiméirí. Chuir úsáid an chórais dhigitigh dlús suntasach lena bpróiseas seiceála isteach, rud a chuir ar a gcumas a gcuid oibríochtaí a chuíchóiriú.
D’éirigh leis an gclaochlú digiteach seo deireadh a chur leis an ngá atá le taifid pháipéir, mar aon leis na costais stórála agus chomhdaithe a bhaineann leo, cuireann an laghdú ar úsáid páipéir lena spriocanna inbhuanaitheachta, ag laghdú lorg carbóin lárionad eachtraíochta na hUaimhe go feiceálach.
Conclúid agus dearcadh don todhchaí
“Le cur i gcrích an tionscadail chuidigh sé le réimsí eile a aithint laistigh dár n-oibríochtaí inar féidir réitigh dhigiteacha a chur i bhfeidhm. Táimid anois ag fiosrú tuilleadh tionscadal digiteach a chabhróidh le ham a shábháil agus le bainistiú agus oibriú ár ngnó a shimpliú chomh maith le feabhas a chur ar an tseirbhís a chuirimid ar fáil do chustaiméirí.”
